BIOGRAFI BAPAK BJ. HABIBIE

BIOGRAFI BAPAK B.J. HABIBIE

Ngimpi –ngimpine  B.J.Habibie

Salah sijine tokoh panutan lan dadi kebanggane wong Indonesia, lan minangka presiden Republik Indonesia sing ketelu, yaiku Prof. DR. (HC) Bacharudin Jusuf Habibie, Panjenengane dilairaken ning Parepare, Sulawesi Selatan, ning tanggal 25 Juni 1936, Bpk BJ Habibie putra nomer papat sing wolung sedulur. Wong tuwane BJ. Habibie asmane Alwi Abdul Jalil Habibibie bari ibu R.A. Tuti Marini Puspowardoyo .

BJ. Habibie nikah bari ibu Hasri Ainun Habibie ning tanggal 12 Mei 1962, putrane BJ. Habibie ana loro, yaiku Ilham Akbar karo Thareq Kemal. Riwayat cilik-cilikane BJ. Habibie diliwati bareng-bareng bari sedulur-sedulure ning Parepare Sulawesi Kidul.

Sifat tegas  lan * teguh cekelan waton sering dikatonaken, ning wektu cilik-cilikane. Sering dikatonaken kanggo ndidik anak-anake .Habibie sejene nduweni kesenengan nunggang jaran, uga seneng memaca lan nggulati referensi macem-macem buku, apa maning sing ana hubungane bari tehnik, lan kewentar ning kecerdasan lan keuletane sing pantang nyerah.

Wektu masih ning sekolah dasar , bapane ninggal yaiku tanggal 3 September 1950 sebab kenang penyakit jantung wektu lagi sholat Isya .Bli lawas sewise bapane ninggal, ibune ngadol umah lan kendaraane, terus pindah meng Bandung lan melu Habibie .Sewise bapane ninggal sing kerja keras ibune, ning SMA mulai katon prestasine, utamane ning pelajaran – pelajaran eksakta, lan Habibie dadi siswa sing paling  pinunjul.

Lulus sing SMA taun  1954 manjing ning ITB, tapi sayange ning ITB bli pragat  sebab Habibie ulih bea siswa sing Menteri Pendidikan dan Kebudayaan kanggo nglanjutaken kuliahe ning Jerman. Habibie janji ning dirine arep bener-bener sekolah lan kudu nduweni prestasi, sebab deweke uga wis janji ning ibune bli garep nyia-nyiakaken harapan lan kangelane ibune nggulati duit kanggo nggedekaken lan mbiayai sekolahe Habibie. Mahasiswa Indonesia sing belajar ning Aachean 99% dibiayai penuh. Bli kaya mahasiswa sejene ,baka liburan Habibie bli liburan, tapi kesempatan kanggo nggulati duit, yaiku nggulati kerja *samben kanggo nambah-nambah tuku buku.

Habibie ulih gelar “ Diplom-Ingenieur” sing Technische Hochschule, Jerman taun 1960 lan predikate “cumlaude” bari rata-rata nilaine 9,5 lan ulih gelar “ insinyur “. Habibie nglamar kerja ning firma Talbot ,yaiku salah sijine industri sepur (kereta api) ning Jerman, ning wektu iku firma talbot mbutuhaken gerbong sing isine gede, kanggo nganggkut barang-barang sing enteng, tapi isine akeh. Lan Talbot mbutuhaken sewu gerbong , ulih masalah sing kaya iku Habibie nyoba ngaplikasikaken cara-cara konstruksi swiwi (sayap) kapal mabur, sing diterapaken ning wagon/gerbong lan sukses bisa nyiptakaken apa sing dijaluk ning Firma Talbot.

Habibie terus nglanjutaken studi kanggo ulih gelar Doktor ning Technische Hochschule die Facultaet Fuer Maschinenwesen Aachean ning Jerman.

Ning Jerman Habibie bari istrine kudu kerja keras sebab Habibie dudu wong sugih, mulane esuk- esuk pisan Habibie kudu mlaku ning tempat kerjaane sing lumayan adohe, sebab bli numpak kendaraan sebab tujuane  kudu hemat ning duit lan kebutuhan sejene. Kanggo kegiatan belajare  melu kuliah bengi. Kanggo  ibu Ainun beli beda adoh ,kanggo bebasuh klambi kudu melu antri ning pencucian klambi umum.

Ning taun 1965 Habibie ulih gelar Dr.Ingeniur bari penileane “ summa cumlaude “ sing nilene rata-rata 10 ning prestasine sing Technische Hochschule Die Facultaet Fuer Maschinenwesen Aachean.

Rumus Habibie sing paling kewentar diarani “ Faktor habibie “ sing bisa ngitung keretakan    utawa crack propagation on random sampe ning atom-atom kapal mabur.  Sebab iku Habibie dijuluki “Mr. Crack” ning taun 1967 Habibie dadi profesor kehormatan(guru besar) ning ITB , kegeniusane lan prestasine iku sing nganteraken diakui ning lembaga internasional. Lembaga kasebut antarane Gesselschaft Fuer Luft   und Raumfahrt ( Lembaga Penerbangan  dan  Angkasa Luar) Jerman. The Royal Aeronautical Sosiety London (Inggris). The Royal Swedish Academy of Engeneering Sciences (Swedia), The Academie Nationale de l’Air et de l’Espace (Perancis).

Taun 1967 diupai gelar kehormatan lan dadi Guru Besar ning ITB. Dadi Doktor konstruksi pesawat terbang ning Jerman nilene Summa Cum Laude iku sing dadi kebanggaane wong Indonesia.Habibie kerja ning industri pesawat terbang paling *  pinunjul yaiku MBB GMBH Jerman.

Habibie sing janji  nyanggupi undangane  Presiden Suharto yaiku balik ning Indonesia. Habibie prestasi sing ditoreh kanggo Indonesia akeh pisan ,ilmune akeh bisa dirasajkaken ning masyarakat Indonesia.Ning Indonesia 20 taun jabatane BJ Habibie akeh pisan, antarane : dadi Menristek , Kepala BPPT, mimpin 10 perusahaan BUMN industri strategis, lan dipilih ning MPR dadi wakil Presiden RI.

Disumpah ning Mahkamah Agung dadi Presiden RI nggantikaken Suharto. Suharto nyerahaken jabatan presiden ning Habibie , didasaraken pasal 8  UUD 1945, lan akhire Habibie dilengseraken sebab akibat referendum Timor Timur sing milih merdeka sing Indonesia.Pidato pertanggungan  jawabane ditolak ning MPR RI. B.J Habibie ninggal ning Jakarta tanggal 11 September 2019. Akeh wong sing keilangan sebab Pak Habibie tokoh sing dikenal cerdas, pejuang lan akeh jasane ning negara kesatuan Republik Indonesia. 

Sumber : Bahasa lan Sastra Cerbon-Dermayu (Sulistijo)